კონფერენციის ორგანიზატორები

• საქართველოს სოციალურ მუშაკთა ასოციაცია (GASW) - ორგანიზაცია 2004 წელს დაარსდა და მისი მისიაა მოსახლეობის სოციალური უფლებების დაცვა და სოციალური მუშაობის პროფესიისა და პრაქტიკის განვითარების ხელშეწყობა. ასოციაცია აქტიურად თანამშრომლობს როგორც სამთავრობო, ისე არასამთავრობო სექტორთან და აკადემიასთან.

• ილიას სახელმწიფო უნივერსიტეტი - ილიას სახელმწიფო უნივერსიტეტის სოციალური მუშაობის სამაგისტრო და სადოქტორო პროგრამა და სოციალური მომსახურებებისა და ინტერვენციების მეცნიერული განვითარების კვლევითი ცენტრი. სამაგისტრო პროგრამა დაფუძნდა 2007 წელს და ჰყავს 150 მდე კურსდამთავრებული. სადოქტორო პროგრამა, როგორც დამოუკიდებელი სოციალური მუშაობის პროგრამა დაფუძნდა 2020 წელს და მასში სწავლობს 5-მდე დოქტორანტი. სოციალური მომსახურებებისა და ინტერვენციების მეცნიერული განვითარების კვლევითი ცენტრი დაფუძნდა 2019 წელს შოთა რუსთაველის საქართველოს ეროვნული სამეცნერო ფონდის ფუნდამენტური კვლევების პროექტის ფარგლებში. ცენტრში მუშაობენ მკვლევარი სოციალური მუშაკები. ცენტრის მისიას წარმოადგენს სოციალური მუშაობის მეცნიერების პოპულარიზაცია. ამჟამად, კვლევით ცენტრს აქვს ორი პროექტი. პროექტი, რომელიც ეხება ქუჩასთან დაკავშირებულ ახალგაზრდებს, ემსახურება ქუჩასთან დაკავშირებული ახალგაზრდებისთვის აივ-შიდსის სარისკო ქცევების შესამცირებლად პრევენციული ინტერვენციული პროგრამის განვითარებას (2017-2021). პროექტი თანამშრომლობს ჩიკაგოს უნივერსიტეტის სოციალური მუშაობის სკოლასთან (University of Chicago Crown Family School of Social Work, Policy, and Practice). მეორე პროექტის ფარგლებში (2019-2021) მიმდინარეობს პრაქტიკის მოდულის პილოტირება, რომელიც მიზნად ისახავს შეზღუდული შესაძლებლობის მქონე პირებისთვის ეფექტური სოციალურ მუშაობის მეთოდების დანერგვას. ეს პროექტი ხორციელდება ნორვეგიის რუდოლფ შტაინერის საუნივერსიტეტო კოლეჯთან ერთად (Rudolf Steiner University College), რომელთანაც ილიას სახელმწიფო უნივერსიტეტს გაფორმებული აქვს ურთიერთთანამშრომლობის მემორანდუმი.

• თბილისის ივანე ჯავახიშვილის სახელობის სახელმწიფო უნივერსიტეტი

​